4 Jam minah di sidik, minah omongin ape adenye, sedangkan koh wowo di sidik selame 6 jam. Koh wowo sendiri bingung kenape dia disidik lebih lame. Ternyate karena adenye dendam masa lalu Acong. Hal inilah nyang menyebabkan koh wowo ditanye macem macem, dari mulai status sebagai WNInye hingge silsilahnye. Dari mulai bisnisnye hingge masaleh Uang nyang masuk ke kantongnye. Untung aje, ade polisi yang baik hati, dan jujur nyang menceriterakan keadaan sebenernye same koh acong, ketika penyidiknye istirahat makan siang.
Ternyate koh Acong ame pak erte bersekongkol buat jatuhin koh Wowo, bukan minah sasaranye. Minah cume trigger doang, istilah kerenye buat nyidik Koh wowo. Bahkan tibe tibe aje ade, tuduhan kalau Koh wowo mau membunuh, Acong dan pak Erte. Nyang konyolnye ade saksi, nyang ngaku disuruh ame koh Wowo, katenye di bayar 150 jute ame koh Wowo. Padahal itu uang koh wowo transfer 150 juta, buat bantuan pembebasan sandre ketika anak buahnye disandare di Philipina.
Kontan aje koh wowo jadi mareh, dan akhirnye die ceritain siape sebenernye itu koh acong dan pak Erte, die ceritain amslah koh acong yang iMigran, dan kerjasame ame pak erte lah, nyang nyebab-pin koh Acong jadi WNI. Selai itu di ceritain lah tentang bisnis haramnye anaknye Pak erte yang jualan martabak, padahal jualan narkobe. Karena narkobe selama ini masuk dengan mudeh, dari kampung cine di kote, semue gara gara pak erte dan Acong berkongsi di kampung entu.
Hal inilah yang menyebabkan penyidik yang ude disogok ame koh Acong jadi mikir. Dan berbalik arah, malah ikut nyelidikin koh acong dan Pak erte.
Pak erte dan koh acong jadi binggung, kenape die nyang jadi disidik. Dan acong lihat koh wowo senyum, makin kesel aje, dan die juge curige koh wowo ude nyogok tuh polisi. Kontan aje di kejar itu koh Wowo smape jatuh trepentela koh wowo…gebag gedebug.. koh wowo jatuh dari kursi yang di tidurin, minah jadi kaget dari atas lari ke bawah.
“Ade ape om ?”minah yang lihat koh wowo ude ajtuh id bawah kursi. “astagfirullah, min..Gue mimpiserem juga sih, tapi untungnye gue yang menang “kate koh wowo sambil senyum.
Terus giamane kelanjutan ceritanye ye..tunggu aje trilogy berikutnye ye…yang jelas bukan mimpi lagi…
Kalu ade kemiripan name dan tokoh dimaafin aje ye..karena cuma kebetulan belake…ini semua fiksi..
Penulis adalah Penasehat Forum Komunikasi Mahasiswa Betawi…