Oleh : Helmi Adam
Matahari baru aje mencelat muncul kepermukaan, Minah ude jalan menuju rumah Om Ami. Jarak rumah om Ami ke rumah Minah, cume se-selepetan. Tapi posisinye di belakang kampungnya Minah, jadi kalau jalan lumayan jauh, karena harus muter dulu. Pukul 7 pas, udeh sampe Minah di rumah om Ami, langsung aje die beberes. om Ami dan Istrinya Tuti,sedang duduk di ruang keluarga, sambil ngobrolin pulang kampung kemarin ke Padang, tiket mahal jadi mereka terpakse Bawa mobil kendiri. “Gile tiket ke padang ame ke Malaysie, masa murahan ke malaysie sih” kate om Ami ngomong sendiri. “masa sih, om” minah nyamber aje kayak bensin. “bener min, itu tante lihat di traveloka” kate tante tuti membenarkan om Ami. “ kok bisa gituh ye ?” tanye Minah polos. “Biselah min, kan sekarang cume ada dua pilihan doang, naik Lion Air atau naik Garuda, jadi kite semua terpakse, nggak ade pilihan lain” kate om Ami ngejelasin. "Makanye sekali-kali bace tuh, ulasan ekonomi di Helmi Adam Channel Blogspot, biar lo pinter min". tambeh om Ami. (Nulpang iklan ye,,hehehe,,) .“kalu naik burung garude mahal nggak ape om, namenye juga naik burung, kan lebih nyaman, tapi kalau naik singe juge mahal, gimane tuh..kan ajrut ajrutan..ngak nyaman pastinye” kete minah dengan polosnye..Tante Tuti yang ngedengirin jadi ketawe. Dan om Ami juge ketawa, sambil ngajak tante tuti ke kamar.
“ Min, kalu ude selesai lo pulang, lo bawa aje konci serepnye, gue mau naik burung dulu “ kate tante Tuti sambil senyum. Minah dengan Polosnye bertanye “ emang bise, naik burung Garuda dari kamar tente” . tante sambil masuk, “burung om Ami, Min,.. bukan burung Garude”. Minah yang dapet jawaban gitu jadi mikir,”emang om Ami miara burung di kamarnye ?”.
“ Min, kalu ude selesai lo pulang, lo bawa aje konci serepnye, gue mau naik burung dulu “ kate tante Tuti sambil senyum. Minah dengan Polosnye bertanye “ emang bise, naik burung Garuda dari kamar tente” . tante sambil masuk, “burung om Ami, Min,.. bukan burung Garude”. Minah yang dapet jawaban gitu jadi mikir,”emang om Ami miara burung di kamarnye ?”.
Jam ude menunjukkan angke 10 lewat dikit, Minah ude kelar beberes langsung cepet kerumah koh Wowo, mau ceritain mimpinye semalam. “Assalamu alaikum” dari depan gerbang Minah teriak. Ngak lama muncul koh Wowo, dengan pakaian rapi kayak mau pergi juge. “Walaikum salam” jawab koh Wowo yang baru masuk Islam.”masuk min !” kate Wowo. “Duduk, min ! kebetulan lo dateng, gue mau jalan, gue nitip kunci rumah ye, ame lo, besok gue pulang jam 7 pagi, sekarang lo tinggal beresin deh rumah gue” tambahnye. “ sebenernye minah kemari, mau ceritain mimli Minah, om Wowo” kate minah, dengan semangat. “ oh, mimpi ape min” om Wowo bertanye, “jangan jangan minah nggak jadi kerja di tempat gue nih” dalem hati Wowo. Minah kemudian menceritakan mimpinya dengan detail (Baca Trilogi Sidang MK).
Mendengar mimpi minah Om Wowo cume bilang “ mimpi tuh kembang tidur min, yang penting, lo mau kerja ame que ngak ?" tanye Wowo. “ Mau om, sekarang aje ude siap minah, cume kan minah takut bikin suse om Wowo, kalau ngimpi minah jadi nyate” kate Minah dengan wajah bingung. “udeh, nggak useh lo pikirin, kalau bener pun, nggak ape ape Min, tapi bener tuh mimpi loh, loh harus ijin ke koh acong dulu besok,” kate Wowo sambil siap siap pergi. Minah sendiri merasa plong, habis cerita mimpinye.
Mendengar mimpi minah Om Wowo cume bilang “ mimpi tuh kembang tidur min, yang penting, lo mau kerja ame que ngak ?" tanye Wowo. “ Mau om, sekarang aje ude siap minah, cume kan minah takut bikin suse om Wowo, kalau ngimpi minah jadi nyate” kate Minah dengan wajah bingung. “udeh, nggak useh lo pikirin, kalau bener pun, nggak ape ape Min, tapi bener tuh mimpi loh, loh harus ijin ke koh acong dulu besok,” kate Wowo sambil siap siap pergi. Minah sendiri merasa plong, habis cerita mimpinye.
Jam 4 sore minah ude di rumah, duduk bersame Sadih dan Naim. Minah menceritrakan ngimpinye, ame kedua buah hatinye. Sadih dan Naim serius ngedengerinye kayak dengerin si Jait tukang cerite betawi. Kemudian Naim bertanye kepade emaknye “ emang sebenernye Koh Wowo itu siape sih ? “. “ ngapain loh tanye koh wowo ? kan nggak ade hubunganye ame ngimpi emak. “ jawab emaknye.”Pertanyaan naim bener tuh mak, kan kite mesti tau, bibit ,bobot, dan bebet orang, sebelum kite kerja same orang entu” kate sadih, nimpalin ucapan emaknye.
“Oh gitu ye” kate emak, selanjutnye emak nyeritain asal usulnye Koh Wowo. dari mulai perceraian, nyang dipakse ame mertuanye, padahal keduanye masih cinte. Hingga masalah orang tuanye Koh Wowo, yang merupakan ekonom Indonesia, setara kwik kyan Gie deh, kira kira. Nah ternyete koh wowo entu, walaupun keturunan cine, tapi cinte mati ame Indonesia. Beda jauh ame koh Acong nyang imigran gelap dari cine, dan segelap gelapnye orang, nyang nyembunyiin asal usulnye. Padahal asal usul orang tua itu penting. Tapi koh Acong ude malsuin identitasnye, biar jadi pengusahe sukses. ampe die bisa kepilih jadi Presiden Asosiasi Pedagang Tionghoa.
Soal karakter Wowo dan Acong beda jauh, Ibarat bumi dan langit. Wowo orang yang setie dan solidaritasnye tinggi, bahkan Acong jadi ketua cabang pedagang jakarte, diawal kariernye, nyang dukung itu Wowo, tapi Wowo di khianatin begitu aje, ame si acong. Si Acong ketike pemilihan ketue pedagang Indonesia, bohongnye kelewatan, ampe keluarga wowo dikibulin semue. Padahal Bahtiar pernah ingetin Wowo ,“ati ati ame si acong yang ngak jelas asal usulnye, die bisa nusuk ente dari belakang” kate ustadz bachtiar waktu itu tahun 2014. Ngak terasa ude masuk magrib, minah yang puasa syawalan ame anak anaknye buka dulu. Terus pade tidur deh.
Pagi pagi minah udeh di rumah acong, minah kemudian mohon pamit dan minta gajinye Ame ooh Acong. Awalnye Acong terime juge minah keluar, Pas waktu mau ngasih gaji minah..jreng jreng..Acong nanye, “ emang lo mau kerja ame siape” tanye koh Acong, nyang udeh selesai itung duit. “Ame koh Wowo koh” kate minah polos dan ketelepasn ngomong. Denger nama Koh Wowo, muka koh acong langsung merah..Jreng jreng jreng…
Sambung ye,,berangkat kerje dulu nih..
Kalau ade kemiipan kisah atawe tokoh, itu cume kebetulan aje, jangan masukin ke ati..ini semua Fiksi …
Penulis adalah Sekjen Pimpinan Pusat Himpunan Seni Budaya Islam.