Oleh Helmi Adam
Minah, Naim,
dan sadih, ude hampir seminggu makan ame peda diperban, dan daging ikan peda ude
mulai menyusut, tinggal tulang. Padahal ikan pedanya ude di bolak balik, dari
side A ke side B, istilah orang dulu yang menggunakan kaset. Anak mude sekarang
mungkin ngak ngerti, kalu kaset itu ape. “Tapi waktu yang ditunggu untuk dapet
gaji lame amat ye” dumelan minah dalem ati. Ntu sebabnye minah paling benci ame
libur, karene kalu libur, die ngak dapet duit harian dari om ami. Biasenye kalu
kerje di rumeh om ami, suka dikasih 10 rbu sampe 20 Rebu. Kalu dari
koh acong, kadang kadang aje, kalu die lagi seneng dikasih, tapi kalau lagi
mareh mareh. boro boro dikasih duit, dimaki, iye. Kenang minah dalam hati.
Akhirnye
hari yang ditunggu tibe, tanggal 10 juni 2019, saat semue masuk kerje. Minah
dengan semangat 45, die udeh siap dari subuh. Jam menunjukkan
diangka 6.30, mineh berangkat ke rumah boh acong, mau kerje. Namum tepat di
depan rume koh acong, ternyate rame be-eng. Kaye lagi suasane duka. Minah
langsung aje dag digdug, takutnye koh acong meninggal dunie, dan gajinye nggak
dibayar. Die cepet cepet masuk rume, dan ternyate, bener dugaan mineh, ade
nyang meninggal dunie, Kemudian mineh lihat sosok orang nyang baru keluar dari
kamar, "Alhamdulillah” dalam hati minah, koh acong mash hidup, “terus yang
meninggal siape ye..?” tanye minah dalam hatinye.
Ternyata
setelah koh acong nangis Bombay, (eh saleh nangis Beijing, karena koh acong
orang cine, bukan orang indie), nyang meninggal istrinye namenye veronica, name
cinenye Bong kah an. “ pantes aje die nangis, karena sesame ini, modal
usahe koh acong, dari istrinye. “ pikir minah. Minah tahu betul sejarehnye koh
acong.
Begini
ceritenye, nyang minah tahu tentang koh acong. Acong itu dulunye, imigran gelap
dari cine, die datang ke Indonesia melalui medan, terus die ke jakarte. Di
jakarte luntang lantung. Ketemu sama koh bong kar an, bapaknye bong kah an.
Terus die dijodohin same anaknye, yang namanye bong kah an. Padahal acong
ternyate ude punya anak bini, di cine sane, sempet ketahuan sama bong kah an.
Cume ditutupin aje. Tapi istri acong, yang bername ida ang paw,
disumpel-lin duit, tiap bulan same bong kah an, biar ngak ketahuan same babenye
yang punye penyakit jantung. Sepande pande tupei melompat akhirnye jatuh juge,
ibarat kate kaye borok diumpetin baunye, kecium juge. Bong kar an akhirnye,
meninggal dunia, setelah tahu kelakuan acong sebenernye, jantungnye langsung
kumat.
Nah, bong
kah an juga meningeal dunie, karena kelakuan koh acong, nyang mau kawin lagi,
same jande beranak due. Alasan-nye demi karier anaknye, nyang jadi pedagang,
pengen jadi gubernur di jakarte. Entulah nyang bikin ribut terus dirumeh, sampe
minah bosen ngedengernye. Padahal anaknye lagi maju daganganye, di tenabang.
Makenye rada aneh juga bagi minah, bong kah an kuat ngadepin acong, nyang play
boy, dan jago main sandiware, kalau nggak mau dibilang munafik.
Akhinye
minah sibuk hari entu, nyiapin minuman dan makanan buat tamu. Nggak terase jam
ude menunjukkan pukul 12 siang, Minah pingin pamit same ooh acong, sekalian
minta duit gajinye. Namum ape yang terjadi jadilah…kun faya kun,,,Eng ing
eng..jreng. Bagai disamber gledek berkali kali, minah malah di omelin koh
acong, Alasan koh acong “ ngak elok lo, minta gaji di tengah gue lagi beduka,
kurang etis tahu” kata kong acong marah. Sedangkan minah bingung,
koh acong bisa bisanye ketawa ketiwi, ame si janda due namanye mey mey.
Bahkan bisa-bisanye die selfie - selfie, sampe lupa bakar hio, buat sembayangin
bong kah an.
Minah jadi
bingung mau makan ame ape besok, pasalnye boro boro ngambil gajo, atau dipersen
ooh acong, karena kerja berat, malah die di marahin. Dalam kaeadaan
bingung pulang kerumah atawa die cari pinjeman ?, die berjalan mengikuti kaki
melangke..
Minah jalan
terus ngikutin kakinye melangke, tahu tahu, adzan berkumandang, pas di depan
masjid al chairu bambu apus pamulang. Minah pun ngikutin hatinye sholat dzuhur
dulu. Setelah sholat dzuhur, minah berdoa,” ya, Allah minah ini hambamu yang
lemah, jangan Kau berikan cobaan yang berat berat, kalu bisa yang ringan ringan
aje, ya allah. Anak minah dua belum makan, mianh bingung nggak punya duit ya
allah…kasih dong minah duit buat makan, aamiin”. Selesei do-e, minah keluar
masjid, dan die inget pesen ustadz somad, orang yangs sedekah dalam keadaan
susah, akan di berikan rezeki berlipat lipat ganda. Untung aje minah punya duit
Lima ribuan, tanpa pikir panjang dia masukin ke tromol masjid. Kemudian die
putusin pergi ke pasar pamulang mas, karene biasenye masih ada yang buka. “
tapi gue ngak punya duit, ah,,udeh deh..gue yakin tuhan dengerin hambanye yang
teraniaya” dalam hati minah bicara..
Sampai di
pasar pamulang mas, bambu apus, minah berdiri di depan warung, di
seberang jalan, samping Indomaret, dia berdiri merhatiin yang belanja
kesiangan. “ ape gue ngutang dulu, tapi kalau gue ngutang dulu, entar gue
balikinnye pake ape ye ? “ pikir minah. Saat itu koh Wo kang seng, alias koh
wowo merhatiiin minah, dan die deketin ke minah. “ min lo, kok nggak kerumah
gue lebaranan ? “ Tanya koh wowo. Minah yang ditegur koh wowo
kaget. “ Eh koh Wowo, maaf minah lupa koh” Kate minah, sekate
katenye. “Sombong lo, lagi banyak duit Ye ?” canda koh wowo ke minah. “Boro
boro koh, mau makan aje bingung” kate minah terus terang. Mendengar itu koh
wowo, langsung aje keluarin dompetnye yang isinye, duit warne merah semua. “
Nih ,cukup ngak, buat elo makan, Kate koh wowo sambil senyum”. Mpok minah
seperti dapetin durian runtuh, tapi bengong nggak tahu harus berbuat ape. Mau
jingkrak-jingkrakkan kaya anak kecil, takut dikira gila, akhirnye dia bilang ”
alhamdulillah”. “kalau ketemu gue lagi, jangan panggil engkoh min..gue ini
orang Indonesia, panggil aje wowo, umur kite juga nggak beda jauh” kate koh
wowo. Minah nggak bisa ngomong karena duit 500 ribu di kasih koh wowo begitu
aje, tanpe syarat tanpe kerje.
“oh iye Min,
Kalu lo ude ngak kerje di Acong bialng aje, lo bisa kerja di rumah gue,
kebetulan pembantu gue mudik, ngak balik lagi, mau kawin” kate koh wowo, sambil
pergi. MInah belum sempet ajwab iye, atawa terima kasih id ideh ngeloyor pergi.
Banyak yang nggak tahu cerite koh wow sebenernye. Hnaya minah dan beberape
orang aje yang tahu, karena mianh kerja di koh acong, yang ude fitnahin koh
wowo kemane mane, jadi tahu cerita sebenernye.
Cerita nggak
ye ?..Gini ceritanye, dulu koh wowo itu terkenal baik dan solidaritasnye tinggi
buat NKRI, tahun 98 die di fitnah sama koh acong, katenye die penghianat orang
cina. Koh acong bilang, dalang nyang bikin huru hare. Padahal koh wowo lah
nyang ngajak orang orang cina, nyang lahir di Indonesia buat jadi orang
Indonesia. Hal ini ngak disukain ame koh Acong yang memang pendatang gelap
asalnye. Sehingga berkat lobi koh Acong, Wowo dikeluar-rin dari perkumpulan
pedagang cina. Dan Wowo sempet pergi keluar negri buat bisnis, karena bisnis di
jakarte, dihalang halangin koh acong.
Nah sejak
itu wowo nggak mau dipanggil koh wowo, tapi minah ude biase, panggil koh wowo.
Dan setiap lebaran biasanye minah datang ke koh Wowo, dan di kasih duit THR,
walaupun minah nggak kerja di die. Tahun ini minah nggak berani datang, karena
diancem ame koh Acong, kalau datang ke koh wowo die mau di pecat. Minah jadi
takut. Tapi kalau sekarang minah akan berenti kerje di rumah koh acong, dan mutusin
mau kerje di rumah koh wowo aje..
Setelah
belanje di pasar, Minah masak dirumahnye, jam 2 udeh kelar, mereka bertiga
makan siang. Minah, kemudian cerita ame anaknye, kejadian dipasar, sedetail
detailnnye. Naim dengerin sampe melongo, sementare sadih berfikir, kaye baru
kesambet aristoteles, “berarti bukan doa emak yang di terime, tapi sedekah emak
yang diterime, kan ustadz somad bilang seratus kali lipet. jadi emak
sedekah 5.000 dikali seratus. same dengan 500.000 “ kate Sadih yakin. Naim
mendengar itu langsung aje nyerocos ” nggak bise bang, justru karena doa emak
yang jadi sebab musababnye “ kate Naim menyanggah. “ Tapi Doa emak udeh lame
nggak mujarab” kate sadih nimpalin. “inget nggak lo, waktu kemarin pala lo
benjol, emak doa in elo nggak sembuh sembuh, pas dibawa kebdokter, baru sembuh”
tambah sadih. “justru itu berkat doa emak, Naim bise di bawa kedokter” debat
Naim menyangkal Sadih. Sadih jadi sewot, mau nimpalin lagi, tapi keburu Minah
nengahin kaya wasit beneran, “Due duenye bener kate emak, lagian siape yang
tahu rahasie Allah ? “ kate emak kepade kedue anaknye. “ Emak kenape nggak
mihak ke Naim? Kan naim anak bungsu ?” keluh Niam. “Emak itu udeh bener im,
jangan kayak KPU ame polisi deh, pake mihak mihakan segale “ kate sadih sembil
senyum. “ huss sok tahu loh ah, kayak yang ngerti politik aje.” Kate emak
sambil bebenah piring bekas makan mereka.
Tanggal 12
Juni 2019, hari genap, Minah pergi kerumah Acong mau pamit keluar kerja.
Mendengar itu Acong marah bukan main. Apalagi minah. ngomong jujur, mau kerja
di rumah koh Wowo. Makin mengkeleb aje koh Acong. Koh Acong nggak
mau bayar gaji Minah, kalau Minah kerja di koh Wowo. Alesannye sederhane, Minah
ude berkhianat dari koh Acong katenye. Tekad Minah ude bulat, dia
mau keluar, apapun yang terjadi. Minah kemudian meninggalkan koh
Acong yang uring uringan.
Di rumah koh
Wowo, Minah langsung kerje, namun sebelum kerje, koh Wowo nanye ke minah, “ Lo
ude ngomong berenti ame si Acong, min ? ” tanye Wowo negesin. “ Ude om Wowo,
bahkan minah kasih tahu mau kerja di om Wowo” kate minah
menjelaskan. “kenape lo manggil gue om ?” tanye koh Wowo bingung. “kan minah
nggak boleh panggil koh, ame om wowo waktu di pasar” jawab minah ngingetin.”
Iye tapi nggak useh panggil om juge kali” kate Wowo senyum.”Habis kalau Minah
panggil Wowo aje nggak enak om, kalau Minah panggil tuan, pasti om Wowo marah,
mendingan panggil om aje, biar akrab “ jelas Minah sambil senyum. “ya udeh
terserah lo deh”, jawab koh Wowo. Selanjutnya Minah jelasin sacare detail,
kenepe di keluar atawe berenti kerje dari koh Acong, bahkan gajinye, aje ngak
di kasih. Koh Wowo dengerin dengan serius. “ude sekarang lo kerja aje, nyang
bener, gaji lo gue kasih 1 juta tiap bulan, mudah mudahan cukup buat makan ye”
kate om Wowo sambil masuk kamar.
Jam 11 siang
tiba tiba rumah koh Wowo di gedor-gedor orang. Minah nyang lagi nyetrika sampe
lompat, dan tuun ke bawah. Dia lihat, koh Wowo udeh buka pintu. Dan Minah
penasaran ngelongok dari jendela. Ternyate koh Acong ame pak Erte nyang korup.
Rupanye koh Acong, masalahin pindahnye Minah ke koh Wowo. Dan Pak Erte minta,
koh Wowo mecat minah. “Ape dasarnye aye mecat Minah ?” tanye Wowo ke pak Erte,
“berdasarkan survey dan Situng IT gue, Minah nggak disukain di kampung eni”
kate pak Erte dengan yakin. “ Tunggu,.. situng IT tuh ape, pak Erte ?, kayak
KPU aje “ tanye koh Wowo nggak ngerti. “ Situng IT, itu hasil survey itungan
tetangge, jadi, gue ude hitung, mayoritas orang sini, nggak suka ame si Minah
kerja ame ente wo” kate pak erte ngejelasin, percis kaya komisioner KPU jelasin
hasil situng KPU.
Wowo bingung
ape yag musti die pertahanin, karena pak erte berkuase. Saat itu ustadz
Bachtiar lewat. “Ade ape nih ribut rebut” tanye ustadz bachtiar, koh Wowo pun
menjelaskan, dari awal kejadian, hingga akhir. Akhirnye ustadz bachtiar ngomong
” Gini aje pak erte, kite bawa ke Majlis kerukunan Warge aje deh, sekalian
hadirin tuh si minahnye” kate ustadz bachtiar dengan bijaksana. Mendengar itu
koh Acong ame pak Erte jadi kasak kusuk. “ Gimane pak erte ? “ tanye koh Wowo.
“ stuju “ kate Acong ame pak Erte..
Terus gimane
nasib minah ? kite lanjutin ke Trilogi Sidang MK atawe Majlis
Kerukunan…
Bersambung
ye..ikutin terus ceritanye, yang jelas ini Fiksi belake..kalau ada kemiripan
cuma kebetulan aje..
Penulis
adalah Sekjen Himpunan Seni Budaya Islam (HSBI)