Oleh Helmi
Adam
Gare gare
minah, jadi rebutan antara koh Acong, dan koh Wowo, jadi heboh dikampung. Ade
kelompok nyang mihak koh Acong, nyang disebut cebong, dan ade kelompok nyang
mihak ke koh Wowo, nyang disebut kampret. Keduenye, punye argumen nyang seolah
olah masuk akal. Kelompok cebong bilang, “Kalau Wowo membajak minah, dan nggak
etis “, kalau kelompok kampret bilang, “Acong sadis, dan otoriter, karena minah
punya hak menentukan nasibnye, emang minah budak”. Itu terlihat dari ribut-
rilbut di We A group, twit-ter ame face book, ketike pemilihan calon, nyang
akan duduk, buat ngadilin perkare Acong dan Wowo. Kelompok Acong ngajuin name
calon, begitupun kelompok Wowo. Due duenye merase paling bener. Sayangnyenye,
pak Erte yang harusnye jadi penengah, malah miring sebeleh, karena diempanin
duit sama koh Acong.
Akhirnye
diputuskan, mau di-ada-in pemilu raye dikampung, buat memilih 9 orang nyang
pantes duduk di posisi hakim Majlis Kerukunan atawe MK bahasa
kerennye. Minah jadi bingung, “Karena urusan pindah kerje aje jadi panjang “,
pikir minah. Hal ini menyebabkan orang kampung terbelah due, kelompok cebong
nyang dipimpin acong dan pak erte. Dan kelompok kampret nyang di pimpin wowo
dan ustadz bachtiar. Loh kok Ustadz bachtiar jadi ikutan, padahal selama ini
paling kalem. Hal e-ni dikarenakan ustadz bachtiar nyang ngusulin
sidang MK, dan membuat Acong ame pak Erte kesel.
Pak Erte
sempet merayu minah untuk kembali kerja di koh Acong, tapi ditolak minah.
Lantaran pak erte dulu-lah yang pernah, nanda tanganin perjanjian nyang di
tulis diatas batu, bahwa minah boleh keluar dari koh acong, kalau udeh kerja
minimal 3 tahun, “nah, sekarangkan minah, ude kerja ame koh acong, lebih dari 3
tahun ?” kate minah kepada pak Erte, ngejelasin. Pak erte jadi bingung sambil
mengusap air matenye, tapi minah ngak mau berubeh. Karena minah tahu airmate
pak erte , airmata buaye.
Kontan aje
acong dan pak erte berkoordinasi bahase keren-nye, padahal mah, cume rembukan
ala mafie. Acong usul ke pak erte, buat ngedatengin perangkat erte, kerumah
warge, atu atu, mendata warge, sebelum pemilihan.” Tapi ngak bisa gitu cong,
entar ketahuan gue ngak netralnye,” kate pak erte. “ Tenang te, pokoknye elo
gue modalin ame perangkat lo” kate acong, dengan gaye kaya bos besar. “ berape
? “ tanye pak Erte, pingin tahu.” Lima jute cukup nggak “ tanye Acong. Pak Erte
nyang mendenger angka lime juta langsung kaget, karena selama ini, die dikasih
duit ame Acong paling banter ratusan ribu. “bise ditambahin nggak “ tanye pak
erte lagi. “ bise te, tenang aje, karena ude nyangkut gengsi gue,”
kate Acong sambil ngeluarin duit. “ ini 7, juta lo pegang, satu hari e-ni,
harus lapor ke gue kemungkinan menang atau kalahnye ye” tambah acong sambil
tersenyum. Erte yang melihat duit tujuh jute, langsung aje disegreb, (mungkin
orang sekarang ngak ngerti kata di segreb, disegreb entu artinye, diambil
dengan hasrat seneng banget, bisa di peluk, bisa dicium De el el deh atawe dan
lain lain deh)
Hansip
Polkis disuruh ngedata warge same pak erte, dengan dikasih uang 500 ribu
lansung aje seneng, langsung jalan, sedangkan hansip Teni, ngak ngejamin, dia
bisa ngejalanin, masalahnye die takut dibilang ngak netral, ame warge. Istilah
nye duit mau die terime, tapi kalau ngejalanin perintah pak erte, die agak malu
malu kucing. Pak erte jadi sebel dan ngelaporin kelakuan hansip Teni ke koh
A.cong. “Bloon lo te,” kate Acong, “Elokan erte, tinggal lo pecat aje, lo ganti
ame nyang mau kerjasame, “ tambah Acong. Pak erte ngangguk aje kayak orang
dicucuk idung. Maka diputuskanlah hansip Teni diganti, ame mantan calon besan
nye pak erte, namenye Hadi. Hadi adalah tukang ngayal, dan Omdo alias ngomong
doangibarat kate nih, omong nye gede, disaji ngak sampe sepiring.
Dalam waktu
singkat, ketahuanlah ternyate, pendukung Acong lebih sedikit. Hanye 38 orang,
sementara pendukung Wowo ade 62 orang. Minah tahu banget berita entu, karena
si Hadi ngoceh ame Minah, minahpun lapor ame Wowo dan ustadz
Bachtiar. Tapi sayangnye, Acong ude tahu duluan, jadi Acong ude pasang strtegi
biar die tetep menang, calon hakim Majlis kerukunannye, di seleksi dulu ame pak
erte, biar steril, kemudian dipilih lah 27 oarng calon, seleksian pak erte,
dari calon entu cuma 3 orang yang ngedukung koh Wowo. Selebihnye ngedukung koh
Acong.
Pemilihan
dilakukan ame pak erte, tapi tibe tibe, jumlah orang kampung jadi bertambeh
banyak, jadi 190 orang. “ Muke gile tuh si erte ame si
acong “ kate ustadz bachtiar ketika dapet laporan dari jamaah. “Ude gitu
pendatang barunye, gampang amat, di kasih KTP, ame pak erte, “ kate Doradong,
jamaahnye ustadz Bachtiar. “Ude..kite tenang aje..kite baca doa aje…gue yakin
doa adalah segalanye” kate ustadz bachtiar mimpin doa jamaahnye…
Namanye Aduh
Keseduh, kalau ngomong asbun, tanpa data, padahal ngakunye sarjane. Aduh
Keseduh terkenal sebagai cebong Agresif. Ngedebat bang Mail di warung Kopi, “lo
jangan fitnah aje, “ kate aduh dengan yakin. “Finah gimanane ?, Kan data dikelurahan
jelas, kalau warge kite cume 100 orang, kok bise nambeh 190 orang, saat pemilu
?” jelas mail ke Aduh. Aduh yang males mikir jadi makin keseduh aje hatinye,
maklum otaknye emang cetek, “ngak bisa, data keluarahan di jadiin patokan” kate
aduh asla njeplak. “Terus, Elo pake date ape, kalau bukan pake date dari
kelurahaan ?” Tanye bang Mail senyum.Aduh yang dapet pertanyaan gitu bingung
jawabnye, makenye die pake jurus Acong mabok Hio, die jawab asal goblek
aje,”Ya…pake data riil dilapangan lah” jawabnye. “iye..patokan validitasnye ape
“ desak bang mail. “dasar kampret bodoh” kate Aduh keseduh. Mendengar itu,
orang di warung kopi lansgung pade marah, dan berdiri. “Untung aje, di cegah
Bang mail kalau nggak ude jadi oncom. tuh “ kate Hasan yang kuliah
di Undip Alias Universitas depan IKIP percis.
Pemiliahan
dimulai, yang menang ternyate pilihan pak Erte semua, karena pak erte udeh
ngerahin pendtang adi luar kampung ame Acong. Bagi pak erte, e-ni proyek gede,
Si Acong ngabisin duit ngak ade seri-nye, kayak taipan aje. (bagi orang bukan
betawi maafin aje, kalau banyak istilah yang enggak dimengerti, maklum ane
gunain bahasa betawi lame, banyak yang udeh hilang roman-nye). Pak Erte dan
Acong pergi ke rumeh minah.”min, muali besok eloh harus masuk kerje kerumeh si
acong “ kate pak Erte smabil sneyum kearah Acong yang dengerin. Minah hanpir
aje mau bilang iye, kalau aje si Sadih ngak menyela.” Gimane sih pak erte, kan
baru pemeiliahn hakimnye, sidnagnye juag belum di mulai” kate sadih dengan
meyakinkan. Pak erte dan Acong kaget, diinterupsi bocah. Dan diepun jadi amles
ngedebatnye.
Acong dan
Pak Erte jalan pulang, “Erte gimane sih, elo kok kalah ame anak kecil ?” Protes
Acong.”bukan gitu cong, anak entu bener juge, kite sbar dikit aje tunggu
keputusan sidang Majlis kerukunan. Kan tinggal beosk aje” kate Erte ngeyakinin
acong.” Ya ude de, gue tunggu besok aje ..” kate acong pasrah. “tapi, gue butuh
asupan gizi nih, buat nyogok entu hakim hakim” kate erte memaksa.”Gimane sih te
? kan yang kepilih orang kite, buat ape kite sogok lagi “ kate Acong, kesel.
“cong, mereka juag manusie, punya kebutuah duniawi, karena gue denger, koh
Wowo udeh ngasih mereka duit seorang Dapet satu jute” kate pak erte dengan
tampang liciknye. Mendengar itu, Acong kaget “ah gile tuh, si Wowo mau lawan
gue die..tapi ape valid info loh te ?” tanye Acong curige. “lah… elo Tanya aje
si polkis, kalau nggak percaye ! “ Jawab Erte smabil mikir, siap siap nyogok si
polkis,kalau kalau ditanyain Si Acong.” Ya ude,, Gue kasih elo 18 jute ye..buat
nyogok tuh hakim” kate acong sambil ngedumel dalam hati, “kalau aje bukan
karena gengsi, gue udeh lepasin tuh si Minah” .
Pak Erte
langsung aje ke rumah polkis buat ngomong sesuia skenarionye. Setelah itu pak
erte beli motor, Honda Beat dibayar cash, biar ngak ketangkepa ame
PPATK. Minah dan Sadih rupanye ngikutin terus pak Erte, kayak detektif aje.
Keduanye langsung pergi kerumah ustadz Bahtiar, ngasih tahu strategi Acong dan
pak Erte sedetail detailnye. Koh Wowo yang dapet laporan dari ustadz abchtiar,
cume bialng..” Tenang stadz dan minah, ente doa aje..selanjutnye strateginye
biar gue atur ame Shohibul dan bang Rais.
Koh Wowo
cepet cepet kerumah Bang Rais, untuk atur stretegi..
Sidang
dimulei, Hakim MK nyang terdiri dari Harun, Usman, Musa, Ibrahim, Kipfli, Ida,
Joko, Tanos dan Roni, Masuk ke balai Erte. Mereka semua duduk didepan.
Sementare di depan mereka duduk dua orang nyang digugat koh Wowo disebelah
kanan dan nyang menggugat koh Acong di sebelah kiri.”pertame tame kite mau
dengerin dulu laporan pak Erte” kate usman ketua hakim emka dengan
bijaksana. hadirin ke due kubu langsung aje berisik, ade yang
teriak, “hidup pak erte”, ade yang teriak, “huuu..”. Hakim Usman jadi mengkeleb
en naik dareh, maklum hakim usman bekas preman same dengan Musa dan Ibrahim.
“Diem semua” teriak usman, “Jangan ampe nih martil gue lemparin ke jidat lo
pade” Tambahnye lagi, sambil siap siap lemparin palu. Hadirinpun jadi diem, dan
takut. “ nah gitu dong, pade tertib..Nah sekarang pak erte silahkan laporan
dulu” kate usman.
Pak erte
maju ke depan hakim, dan bacain laporanye,” dari hasil pemilihan suare,
sebenernye, nggak perlu sidang e-ni, karena di situng IT atau system hitung
informasi Tetangge yang erte punye, ude jelas, koh Acong dapet 55 persen
sedangkan koh wowo, cume dapet 45 persen, sudah seherusnye Minah ngelanjutin
kerjanye lagi di Koh wowo, eh saleh, maksudnye di koh Acong.” Jelas pak erte.
Sementare hadirin yang denger ade yang suke dan ngak suke, biase
deh, namanye juga demokrasi. Tapi nampaknye hansip Polkis mencatat, orang
yang mukanye nggak suke, kate pak erte, mau diusir ke Arab Aje. Tak lame pak
erte selesai bicare, terus hakim Usman nyuruh, Koh wowo dan timnye malakukan
pembelaan.
Koh Wowo
maju kedepan, die siap bawa buktinye. Semua dipaparin tentang kecurangan nyang
dilakukan erte. Dari mulai pak Erte ame koh Acong kerumah koh wowo, gedor gedor
ampe tentang masuknye warge luar yang ikut pemilihan. Dan nyang bikin semue
kaget, adalah omongan terakhir koh wowo, “ Jadi setelah Pak Erte ke rumah
Minah, Koh acong, Kasih duit 18 juta buat nyogok Sembilan hakim, jadi kalau
dihitung hitung, setiap hakim dapet duit 2 juta per orang..” mendengar
penjelasan Koh Wowo, hakim usman naik darahnye..” stop..stop…enak aje, gue cume
di kasih 500 ribu, betul nggak te,,?” kate hakim usman sambil mendelik ke
erte..erte dengan wajah takut mengangguk. Acong yang tahu gitu langsung berdiri
dan marah ame erte. “gile lo ye te..duit gue lo kemana-in ? “ tanye acong
sambil memegang leher Erte. Erte gelagapan dan nggak bisa ngomong..
Hadirin jadi
nyerbu ke Erte semua, termasuk hakim usman yang mantan preman, Ceritanye dulu
hakim usman sempet belajar islam bertiga ame musa dan Ibrahim, die marah dan
ame ibrahim gara gara waktu sholat ibrahim bace surat Al 'ala. di ayat terakhir
nye ibrahim bacanye " Ibrahim wa musa" selesai sholat Usman marahnye
bukan main. Pasalnye Usman ikut sholat, tapi kok gak di sebut, untung aje
waktu itu, ade ustadz bachtiar yang ngejelasin isi surat tersebut, kalau nggak,
udeh terjadi pertumpahan dareh. Itulah cerite usman, nyang akalnye pendek,
emosinye tinggi. Jadi bisa bayangin, gimane emosinye usman. balik ke Minah yang
hadir ditempat entu, minah juga jadi emosi, dan ikut ikutan nyamperin Erte,
sampe terjatuh..gedebug..
Gedebag...Ternyate
Minah jatuh dari tempat tidurnye. Rupanye entu semua, cume mimpi Minah belake.
Jam sendiri menunjukan pukul 5 subuh, Minah harus siap - siap kerja di rumah om
Ami karena hari ini tanggal 11 juni 2019 hari ganjil, jadi saatnye kerje
dirumah om ami ye…
Bersambung
ye.. ke Trilogi mimpi minah jadi kenyataan ?
Penulis
adalah Penasehat Forum Komunikasi Mahasiswa Betawi